Gabaygii Qunyar soco
1. Qaran caasi waan diidnay iyo, Toban qabiiloode
2. Qarax dhigana waad diidnay iyo ,Qar iska tuur baase
3. Qoowleystana diidnay iyo ,Shacab qaniinaahe
4. Anigaa qabweyn diidnay iyo, Qoom saraa nahaye
5. Qiyaas li’i lugtii qaadantaa, Weey qalibantaaye
6. Qunyar soco qofkii waalan waan, Qaban naqaanaaye
7. Hays qatalin hortaa wiil qabweyn, Qiima dhali waaye
8. Riya qarawday yeey kuu sawirin ,Qaali baa tahaye!
9. Qeeyrkaa la soco waa’ siduu, Qiimahaa yahaye
10. Qumanida ninkeey deeqda waan ,Qaayibnaa abide
11. Ninkii qodax talaaliyo ninkii, Miina qarinaayoow
12. Qorshe xumo ninkii xamar ka wade,Qola qolleynaaya
13. Qaribkiyo dhibaatada ragaa Qarash ku dhiibaaya
14. Qalalaase oogiyo ragaa Mooshin qabanaaya
15. Ninkaa qeeyradiisiyo tolkii, Nabad u qoondeeyow
16. Qamaar ma aha xamar beesha taal, Lagu qaxweeyaaye.
17. Afartaa qudbeeyaye nin garan Mowga qabax siiyay
18. Ninkey qoom ku taalaa danqana’ Qolofta moow saaray
19. Qeyriin cune calooshiisa oge,Hadalka moow qeexay
20. Qeyrabyada la laayiyo raga, Qoorta’laga gooya
21. Muusanoowga qeeylada’hablaheen, Galin qayooneynin
22. Qanbaruursi waayeelka eey, Oohin qubaneeyso
23. Qaawanaha agoonkaa noqdee’ Gaajo qalaneeyso
24. Umadaa qareen weydayee ,Lagu qamaaraayo
25. Qufacdaye halkii laga qabtiyo,Qoonta garan weyday
26. Qarni rubaci dhiigaa qulquli,Een la qabaneynin
27. Qayaaliyo Halyeey qiira liyo, Qaa’id laga waaye
28. Toban qooro geel lagu dariyo, Awr iswada quursan
29. Qalac iyo qaniin iyo ogow, Qaaja wow halise.
30. Afartaa qudbeeyaye nin garan’ Mowga qabax siiyay
31. Qalindaar qiyaas liyo’shandheer, Taladi mow qeexay
32. Qodob kale bal aan dago ragbaa ,Ii su’aal qaba e
33. Kama harine qeeyrkeey wallaan, Qiima dheerahaye
34. Qaranimo intaan raadinaay dowlada wada qaada
35.Maamul qoys intaan diidanaa ,Oon qajilay waa fog
36. Isku soo qumaatiyo intaan, Xerada qooqaaray
37. Soomaaliya quruun weeye iyo ,Qaarad xoog badane
38. Ha ka dhigin qabiil baa lahaa, qaran sidkoodiiye
39. Ragna qaafil iyo ii maleey,Qooman dhoohane’e
Curiye:Axmad Mudule Bisle
