Gabayga tahriib iyo tala Xumo W/T: Laashin Xasan Kaamil Cuute(Shiribmaal)

img_1942 Gabayga tahriib iyo tala Xumo  Gabaygan waxaa tiriyey Laashin Xasan Kaamil Cuute,  Waa gabay uu uga warramo dhacdooyinka  joogtada ah ee ay la kulmaan bulshada Soomaaliyeed,  sidoo kale waa Gabay  baraarujin iyo hogga tusaaleyn ah, wuxuu ku boorinayaa bulshada inay  dalkooda iimaansadaan oo ay  delegiisa beertaan isagana wax ka qabsadaan. Waxtarka ugu weyn ee  suugaantu leedahay waa  marka loo adeegsado dhinaca horumarinta bulshada iyo horseedka wanaagsan haddaba Bogasho wacan.    

 

1. Ta’dii gabayga waa taanan tirin Toban gu, oo tegaye

2. Tebintiisi waa taan ka tegay taniya waagiiye

3.Tuducdiisa waa taanan gelin hoga tusaaleeyne

4. Tubahiisa waa taanan furin Ta’ iyo wowgeere

5. Tabashana warkeed daa dad waa tala is weeydiine

6. Tahriibiyo waxaan jirey inta, Tacab qasaareede

7. Tamashle muu ahayn xaalkuyoo, Toobiyaan maraye

8. Tijaarana ma wadin jeeblanimo, Lagu tanaadaaye

9. Ta’kiid aan ku siiyee dadyahoow qaado taladeeyda!

 

10. Nin tashaday Haddii loo tagee tarran la weydiisto

11.Tummin maw kusiiyaya minoow taako bixiyaaba

12. Tuugsiyaad ku nooshay ogoow Wuuna kuu taline

13. Tii Allana ma dheeroo Waqtigu Waa tartamayaaye

14. Tab kaloo faashaa kaaga wacan yurub tahriibkeeda.  

 

15. Tookadi wareegtaba marbeey kugu timaadaaye

16. Turaabtii Carfeeysaya Dhulkii aan ku tabaraabay

17. Tala waalid anigaa ka tegay hadalkii toosnaaye

18. Tala xumada yurub loo tegaa tacaddiyaa yaale

19.Tubta Caddale taallada Hobyood Taniya Boosaaso

20. Taleex iyo Eanaag iyo Dhulkaan geela lagu teedo

21. Togdheer iyo Berbera ilaa taniya Boohoodle

22. Tayeegloowya Beledweyn ilaa taniya Buur dhuubo

23. Baydhabo u taban taabsadoo Gedo u taageerta

24. Taagaggaan Kismaanyiyo dhulkaan Webigu tooxtooxmo

25. Tacbashada Dhulkeeynaa ka Wacan yurub tahriibkeeda.  

 

26. Toowfiiqda oo kaa tagteey tala ku seegtaaye

27. Tafaraaruq Kheyr maleh dadkuna wees tix galiyaaye

28. Todobbo iyo toban malyuun tiro dadaan gaarin,

29. Kala taagan oo tuhun dhexyaal, tabarna loo waayay

30. Tira qeyb haddii laga dhigee, Sulus dhan loo tiirsho

31. Laba tudul ineey soo tagaan tacaddi soow maaha?

32. Tahriib dheer ineey soo maraan tacaddi soow maaha?

33. Toowxiidka ineey qaar tufaan tacaddi soow maaha?

34. Shaloon taag lahaa talo mahayn tacaddi soow maaha?

35. Maantoon tala helayaana tasoow, tacaddi soow maaha?

36. Tikree kuugu tali tuullada tacaddi soow maaha?

37. Toolmoonti qarankaan dhibsaday tacaddi soow maaha?

38. Inta taashka madaxweyne xirran tacaddi soow maaha?

39. Tobaneey kor sii dhaafayaan calallo tuuleede

40. Turraab kuma heshiiyaan haddaan gaal u talineeyne

41. Toban maamul gobaleed miyeey tabar i gaarsiisay?

42. Turki iyo waxeey soo jiraan Tuunis iyo Jaade

43. Teroristi laga tegeey facood uga tilmaameene

44. Tolkeeygoow haddii aad dal kale nabad ku taameeysay

45. Tacbashada Dhulkeeynaa ka wacan yurub tahriibkeeda!”

  W/T. Laashin Xasan Cabdulle Calasow “Shiribmaal”



         

Top