Maansada; DARDAARAN
Waa tix ka mid ah silisladda midnimo ahna maansadii 8AAD ee silsiladda. Waxay sii xoojinaysa aragtida midnimada ee maansooyinkii ka horreeyey, waxayna ku billaabatay sidan;
Maansada; DARDAARAN
Meeshan gocanayaad
Mudmuddeen ayaantee
Dhallintaan mudnaatee
Madaxood shaqeeyoow
Mowle ha idin daayee
Maandhe yaal ha daaline
Ha habaajin miigaha
Majaraha ha seegina
Illaad miidda gaadhaan
Mooshinkiinu yuu lumin
Marna wixii na soo diley
Maankiinna yey gadin
Kuwo uur ku maallaa (malax)
Maja dhiigla yalooy
Midnimadu colkood tahay
Yaaneey magacyo idin bixin
Meeshan gocanayaad
Mudmuddeen ayaantee
Dhallintaan mudnaatee
Madaxood shaqeeyoow
Mowle ha idin daayee
Maandhe yaal ha daaline.
Yaa maalin jirayeey
Intaad mar ugu yeertaan
Oo aad qalinka maashaan
Hindisaha ku meertaan,
Ma hiigaan aboorkuba
Inuu wadajir meel dhigay
Dudummaha mutaxanoo
Muuqoodu dheeryahay
Intaad mar is tiraahdaan
Inaad magac ku reebtaan
Dunidaan malaasane
Laga owdey maankee
Miyirkeedu gadan yahay
Ee meshan gocanayaad
Meeshan gocanayaad
Mudmuddeen ayaantee
Dhallintaan mudnaatee
Madaxood shaqeeyoow
Mowle ha idin daayee
Maandhe yaal ha daaline
Intaa mililicoontaan
Kuna muusannoowdaan
Maatida dayacanee
Meydka u dhowaatee
Mid mid loo diloodee
Ka maqnaatey dunidee
Isla wada mugweynee
MAHIGA iyo KAY na
Maamulan dalkoodoo
Welina aan masayr qalbin
Meeshan gocanayaad
Mudmuddeen ayaantee
Dhallintaan mudnaatee
Madaxood shaqeeyoow
Mowle ha idin daayee
Maandhe yaal ha daaline .
Murti baa waxay tiri
“Miyir qabaha joogaa
Ninka waalan maradi ah”
Haddeynaa is maan gadin
Dadka keennee miir qaba?
Keenee majnuunoon
Calallada ku moosnaa?
Boqolkiiba meeqaa
Midnimada u heellano
Bulshadaan miciin u ah?
Meeqaa dillaaloo
Magacsada silloon
Iyo istimaala MRJaa?
Waa maxay NGO
Iyo miidda hoostaal?
Muftigiyo aqoonluhu
Maxay ugu maryaadaan
Waxan loo maleynayn?
Midnimada u diiddaan
Mowjaduhu u keenaan
Lagu mooso kaabaha
Bulshada u miciinka ah?
Masalooyinkaan iyo
Kuwaan mesha qabanoo
Hiraroo mashaqo badan
Baan soo mariyi doonaa
Maalmahan na haayee
Meeshan gocanayaad
Mudmuddeen ayaantee
Dhallintaan mudnaatee
Madaxood shaqeeyoow
Mowle ha idin daayee
Maandhe yaal ha daaline.
Curiye; Somali Samale Koodhin.
