Heesta: Xeel gurracan!
Xusas dhigatooy
Xiiso badaneey
Xis madoobeey
Xusuus laayeey
Xan ku nooleey
Xamaasado iyo
Xiisad kicisooy.
Xiiqsan oroddooy
Xuurto daashaay
Xuquuq qarisaay
Xaq dabooshaay
Xaqiiq diiddaay!
Xurgifhii hore
Ee la xallin rabay
Xanateeyaay
Xalay iyo shalay
Xaggii lagu jabay
Ku xadraysaay!
Xoolo dhaqashiyo
Xamaal qaad iyo
Xoogsigii shaqo
Hawl xalaaleed
Is ka xoortaay!
Xalaal diiddooy
Xaaraan dubatooy
Xaqu naasyada
Xaabsatooy cuna.
Xeer dadweynaha
Xukun dawliga
Loo xadidday shalay
Ku xadgudubtooy.
Xal ma eegtooy
Xil ma garataay
Is xagxatooy
Xujo hadal iyo
Xin ku tookhaay.
Xer qabiil iyo
Xubno beelaha
Laga soo xulay
Oo xasaasiya
Xarxareeyaay.
Dad xubeera ah
Oo xasaanado
Loo xambaariyey
Xaakin mooddaay.
Samaan xoortaay
Xumaan doontaay
Ma xishootaay
Ceeb xambaaraay.
Ballan ma xajiya
Been xawilataay
Xiqdi gunuddooy
Af xawaashleey
Xabad qurunleey
Xeel gurracanleey.
Waxba xuunshada
Xasharaadkaa
Yaanan xigashada
Xog warbixinteed
Ku xabeebsane
Xa’da maansada
Waxaan ku xaddidey;
Xoon quraanjooy
Xuubab badaneey
Xarraan oroddooy
Xilli tegayaad
Xaadir mooddaye
Xagaayaha haray
Xisaabo u dhigo!
Dhammaad.
15/05/2017
Curiye: Bashiir M. Xersi
