Maansada; Qaswade qaran!
Qiimahaan lahayniyo
Waxaan Qaayo wadannaba
Qaswadaa la harayoo
Dheemman keennii qubayoo
Noodiiday qaraniyo
Inaan quwadba yeelanno.
Qabiilkii ku doogtaa
Qabyaaladduu ku doodaa
Qaaceeda dhuuqaa
Bulshadana ku qaacshaa!
Qalalaase dirir iyo
Qoqob iyo dagaal iyo
Qarrib iyo dhibaatiyo
Qaxar buu nagaliyoo
Naga dhigay qaxootiye
Qowmyahow ma aragtaa?.
Yasmo Quursi lagu daray
Qaran nooga dhigeen .
Qoomamaa ka dhalatee
Quraafadka ka haroo
Qorshe same wadaagiyo
Isla qaata dawladnimo.
Ha ka quusan noloshoo
Qoraal beena haw dirin
Qaybiyo dhantaaliyo
Qoorqabad ka dhawr abid.
Qummayaa na qadatoo
Qoom cillan naga dhigay
Qaab darrida u wacanoo
Qurun iyo qashuushiyo
Qaala qiila way tiri
Qanuun ma noqonee?!
Qarash baan ku qaadannay
Inaan Qoriga sidannee
Horta qalin ma lagu dayey?
Qoraal keeda yaa galay
Mise waaba qiillaay
Quraankiiba diiddoo
Quluubtaa la awdoo
Qofba meel u jeestoo
Qeerkeen na dhaafyee
Qaadiroow Ilaahoow
Qod u bix qabow ka dhig
Qawl fula adaa lehe.
04/08/2014
Abdi-aziz M.shidane
Shidane05@hotmail.com
