Gabaygan waxaan ugu talogalay Hambalyada Sannadguurada Maareeg aan kaga qaybqaatay Munaasabada Miisaanka huwan ee Mareegta LAASHIN.
Murtidu waa misbaax nuur leh iyo Muuq iftiin badane.
Mahadho weeye taariikh gashiyo, Weliba maahmaahe.
Mansab weeye uu Eebahaay, Siiyo ruux mudane.
Miid weeyeh ruuxii maqlaa, Uu macaansado’e.
Micne wuxu sameyaa markaad, Xaraf ku miistaaye.
Meel loo dhanyahay iyo markaad, Madal kaqaadaaye.
Maantana mid ugu maaxday baan, Idin muhiimsiine.
Maqla oo murtida dhuuxa yey, Meel cidlaa marine
Maalin farxleh beey noo tihiyo, Weliba maamuuse
Magay roob ah baa noo curtiyo, Miire layl da’aye
Munaasibad xus iyo farxleh, Maanta lahayaa’e
Mareegta LAASHIN bey koow utahay, Maalin guuraduye
Meelkastaba hajoogtee bulshadu, Wey mahdinayaane
Mashxarad iyo durbaan bey hablihi, Mawda kuhayaane
Maahirkiyo abwaannadu tixbeey, Marinayaaniin
Mashaa’iikhda ducadiyo baryadeey, Midgta taageene
Maaligow hadumin bey dheheen, LAASHIN waa muhime
Madxaf dhaqanka noo keydiyiyo waa Makaab adage
Minan weeye maansadu dhextaal,Maalin iyo leyle
Mareeg weeye ruuxii murti leh, Lagu macsuumaaye
Maqaallada waxa lagu qoraa, Maanka kuu bilahe
Madadaalo iyo waxad kaheli maad, Xasuus badane
Mawduucyo muhimaa dhex yaal, Maadi iyo Diine
Masuuliinta haysaana waa, Maamul hawl karahe
Markastaba lasoco LAASHIN waa, lagama maarmaane
Curiye:Cali Saalax Siciid (Cali Daad Shirdoon)
