Shiribka Toddobaadka, “ Hal xiraale”
Waa shirib hal xiraala ah, Shiribkan oo aan ku jrabayo maanka iyo maskaxda saaxiibaday ayaa waxaan ku billaabay anigoo Cabdi Nuur Sidan. Waxaa shiribka igala qayb galay, Labadeyda Saaxiib ee Laashin Ibraahin Cali iyo Laashin Cabdullaahi Xuseen Hinnaa.
Laashin Cabdinuur:
Seddax walxaato siin ku taal
Saaxiib abwaan ahoow sifeey?
Sac yeera wax ka sii sitoo
An suul dhameeynin ii sifeey?
Saqiir sineysta saac gashoow
Loona sacbiyo ii sifeey?
Qof kula safan oon ku siin
Wax saacidaada ii sifeey?
Sacya ari nin soofsadaa
Sumada geela sixi waay!
Markaan halkaas wax mariyey ayaa waxaa markiiba Jawaab diiran oo diran soo celiyey
Laashin Ibraahim Cali oo isna yiri:
Seddaxda ma sugi karee
Adaan sifeynti kaa sugaa
Suulka ma dhammo saalbo(1) Faal
Sacane waaka sii sitaa,
Saqiir sineysta saac gashoow
Waa saa’idee bal noo sifeey,
Safkaada hoosku waa socdaa
Kumana siiyo saacidaad.
Sixi ma karo sowd abwaan
Waa siiska kaa daba socaa,
Laashin Ibraahim lamma su’aal ayoow si toosa uga jawaabay midna waa garanwaayay. Anigaa markaas imid anigoo ibraahim u sheegaya inuu sigay laakiin asan ka wada jawaabin waxaan iri.
suldaan Ibraahimoow sigtee
waxaan sugaa nimaan sixeeyn.
Markaas ka dib waxaa yimid Laashin Cabdilaahi xuseen hinaa shiribkina waa dhameystiryay oo su’aashi Laashin Ibrahim waayay ayoow ka jawaabay.
Wuxu yiri Laashin Hinaa
Sammoow cabdoow su.aalahaas
Anaa saxaahe saan u hoo
Sacyeera wax kasii sitoo
an suul dhammeynin seeri (2)waa,
Saqiir sineeysta. Saac gashoow
Loona sacbiyo waa sidaa, (waa fure)
Qof kula safan oon ku siin
wax saa cidaada waa saqiir.
Gunaanad
Sacya Eri nin soof sadaaa
sixi karaaya sumad geel,
Cabdinuur ayaa ku soo noqday oo soo xiray, isagoo saaxiIbadii u sheegaya ineey su’aalihi ka wada jawaabeen.
Seddaxdi siin inaad sugteen
annaa saxiixay saaxib yaal,
Sharaxa erayada:
1. Faal: Qori ka mid ah qoryaha dagaalka ee gacanta lagu qaato , G3 R3 oo Jarmalku sameeyo( Faal booliis) Faal surweyn)
2.Seeri( Siidhi) Firimbiga, waa Aleen afeedka laga yeedhiyo oo loo adeegsado, Tababarada ciidanka iyo Ciyaartooyda.
Horseedka Shiribka ee Mareegta Laashin.
Waxaa shiribka diyaariyey, Laashin Cabdi Nuur waddani
Waxaana curiyey Saddexda laashin ee kala ah:
Laashin Cabdinuur Waddani
Laashin Ibraahin Cali
Laashin Cabdullaahi Xuseen(Hinaa)
