Waa shirib dood ah oo dhex martay
Madaxweynaha Dowladda Federaalka Soomaaliyeed Xasan Sheekh Maxamuud iyo Afhayeen Dadweynaha Soomaaliyeed Laashin Ibraahin Cali, Laashinka oo madaxweynaha ka wareysanaya wixii u haggaagay iyo waxii u qabsoomay intuu xilka hayey iyo Madaxweynaha oo isaguna Laashinka weydiinaya cida u igmatey jaggada Afhayeenimada, ugu dambayn dood qurxoon oo dhex martey ayaa sidan u dhacdey ee bogasho wacan.
Laashinka;
- Afar sanood amiir eheed
- Xaad eertay xaasa kuu ahaay?
Madaxweynaha;
- Xaan eeraa xaansa aakidaa
- Inkaar qaboodhiney arkee
Laashinka;
- Afar biloodya in yaraa
- Kuu aasane ujeeddo keen?
Madaxweynaha;
- Adduunyo weysu ektehee
- Afar kalaan intuu rorgaa
Laashinka
- Dadki intaad amiir eheed
- Ku eeday ma oggolyihiin?
Madaxweynaha;
- Ewel adigu yaad eheed
- Waaba is ku ajarannee?
Laashinka;
- Umaddaad u amiir tahaan
- Anna u ahay afhayeen
Madaxweynaha;
- Anwaaba leygu ogyehee
- Yaa kuu ishaaray afhayeen?
Laashinka;
- Illaahi weynya anigoo
- Is iri waa ahaa kartaa
Madaxweynaha;
- Amaad ulaan ushaa eheyn
- Aaranka ku aroorisaa?
Laashinka
- Indho adkaa nin aabbihiis
- Us yiri ma ekeysanee!
Madaxweynaha;
- In aan ajarmay waa arkee
- Ewel adigu yaad eheed?
Laashinka;
- Igaarki ku atooriyoo
- Ku ula saarayaan ahaay!
Madaxweynaha;
- Aankuu abaal gudee imaad
- Afarkalene ololeey!
Dhammaad.
Curiye: Laashin Ibrahim Cali
