JACAYLKII IGU KALIGA AHAA!!!
Qaybtii 3aad
Waxaa ii baryey waa cusub, waxaa igu soo kordhay dareen cusub, ma ihi Axmedkii
shalay, waxaa noqoday Axmed wax tuhmaya, waxaan noqday Axmed baahi qaba,
waxaan noqday Axmed xiiso qaba, dhamaan waaxyaha waxqabadka dareemaheyga
waxay soo qabanayeen Zaynab.
Zeynab iyada ma oga xaalkeyga iyo isbadalka igu dhacay, waxaan jeclaa in aan ka ag
dhawaado mar walba xageeda, iyaduse ima dareensaneen oo waxaan u ahaa arday ka
mid ah ardayda ay ugu jeceshahay iskoolka, saaxiib gaar ahna way ila aheyd.
Jawiga labada dhinac xageyga iyo xageeda wuu kala duwana, xageyga wuxuu ahaa sida
Aar baahan oo ugaartii uu ugaarsan lahaa ay kudhex dabaalaneyso biyo uu ag
taaganyahay, balse intan uu dabaasho uusan kala soobixi Karin Biyaha.
Xaqiiqdii cimilada xageyga waxay aheyd mid qabow badan, baahi badan oo hadana
mugdi badan, waxaan u baahnaa jawiga qabow qof qalbigeyga ka saara,sidoo kale
baahida I haysa qof iga baahi tiro, mugdiga aan ku jirana qof iga soo saaro oo I keeno
meel iftiin leh.
Waxaan ahaa mid dhex sabeynaya cimilo qabow oo ku dhex jira Baraf da’aya kaas oo
waligiis dhex jibaaxin, waxaan kaloo ahaa mid Harraad qaba, waxa is kugu key
darsoomay baahi, Oon iyo Mugdi.
Zaynab waxay aheeyd mid aan ula baxay magac gaar ah, oo cid aan usheegay aysan jirin,
kaaso ahaa magic English ah, (Statuesque) istajuwiski, taas oo la micno ah haweeneey
Sharaf, Qurux, Joog iyo Jamaalba isku darsatay, soo jiidashana u dheertahay.
Lama wadaagin xaalkeyga in aan usheego Zaynab, sababtana waxay aheyd baqdin aan
ka baqayo xageeda, maadaama dareenkaan uu kali igu ahaa, xageedana jawiga uu
sidaan ka gadisnaa, sida ay ila tahay iyadu dareen gaar ah oo ka baxsan saaxiibtinimada
caadiga ah iima aysan heynin.
Dareenka aan u qabay Zaynab baaxaddiisa mar walba wuu ziyaadayey, sababtaasna
waxay aheyd jeceelka aan Zaynab u qabay oo ahaa mid ugub ah, nolosheyda ma jirin
gabar aan dareen jeceyl u qaaday Zaynab ka hor, waana sababtaas sababta aan Zaynab
ugala baqayey in aan la wadaago dareenka jeceyl ee aan u qabay.
Waxaan galay jawi jahawareersan, waxaa cariiri igu noqday dunida oo dhan, Zaynabta
xataa aniga oo wax u sheegan ayaan ka baqayey aragtideeda, ma aheyn wax ay iga
dareentay ee waxay aheed dareen iyo tuhun iigaar ah.
Jahawareerka iyo dareenka jeceelka aan u qabo zeynab wuxuu ahaa mid mar walba
marka ka dambeysa sii siyaadaya, waxaan u baahna qof I caawiya, waxaan u baahnaa
qof ila taliya, waxaan u baahnaa qof aan la wadaago burqashada qalbigeyga.
Waxaan is tusiyey in qofka kaliya ee intaas aan u baahanahay aan la wadaagi karo inuu
ahaa saaxiibkayga qaaliga ah Axmed. Axmed wuxuu ahaa saaxiibkayga igu fasalka ah,
muddana aan saaxibtinimo soo wada qaadanay.
Sababta aan Axmed u doortay waxay aheed inuu iiga fara dhuudhuubnaa dhanka
arrimaha dumarka, waana sababtaas sababta aan u xushay oo aan is iri wuu kaa caawin
karaa xaaladda culus ee aad ku jirtid. Axmed wuxuu ahaa nin wanaagsan markaan wax
ku cabiro saaxiibtinimada iyo waqtiga aan soo wada qadanay, runtii kalsooni fiican
ayaan kuqabay waxaana aaminsana inuu ilaa xad I caawinkaro.
Waxaan go’aansaday in aan Axmed la ballamo si aan arimaheyga ula wadaago, waxay
aheyd galab talaado ah maqribkii kadib markii aan ku kulanay xaafad laheyd meel lagu
nasto, halkaas oo aan ku wadaagnay sheekadii arinteyda aheyd.
Axmed markaan la wadaagay arrinteyda waa uu soo dhaweeyey wuxuuna ii sheegay
inuu iga caawinaayo hanashada Zeynab, in aan Axmed maciin bado waxaa sabab u ahaa
khibrad la’aantayda arimaha dumarka, taas ayeyna aheyd sababta aan oga maarmi
waayay inaan raadsado qof I caawiya, maadama xaalkayga uu sii cuslaanayey.
Raadinta aan raadinayey caawinaanta kuma koobneen Axmed oo kaliya, inta aan Axmed
weydiisanin caawinaanta waxa miiska ii saarnaa Idil oo ayadana aheyd Ardayad nagu
fasal aheyd aniga iyo Axmed, Idil waan isku fiicneyn waana hubay in ay I cawin kartay
hadaan wax usheegto, hadana waxaan ka doorbiday Axmed oo Rag isla aheyn.
Axmed waxaan u sharaxay sidaan wax u rabo iyo sidaan doonayey in loo guda galo
qorshaheyga ku aadan soo xero galinta Zeynab, wax aan ka qariyey ma jirin Axmed oo
qalbigeyga wixii ku jiray oo dhan waan usheegay, aniga oo markaas ku hubeynayay hub
walba uu ku dagaal gali karo si uu guul oga keeno dagaalka loogu jiro hanashada Zeynab.
La soco qaybta 4aad Talaadada insha allah
W/Q: Ahmed Ali Hyder
Ciiseduq12@gmail.com
