Dhulku waa dhulkeennee
Dhibaatada dadkeygaa
Dhaaka faarka maansada
Igu dhalisay caawoo
Dhabtii iigu wacano
Dhinaceyga waayahyan
Dhulkii muusan qabad abid!
Dhibbadii astaantiyo
Dhaxalkii awoowyiyo
Ddulki way ka quusten
Dharabyada qaxootiga
Ayey dheef u doonteen
Wali way dhursugayaan!
Dhabbaheey qulqulayaan
Boqol boqol u dhoobten
Ku dhinteen badaha oo
Saxaraha ma dhaafaan
Dheecaankooda lama helo
Arladaaba dhuuqdoo
Dhuuxooda jiidata.
Dhulkii kuwa ku nooloo
Dhinacooda nabad iyo
Xasillooni aan dhigin
Dheefti la cuni laa
Aan dharaarta heysan
Dulka gees ka joogaan
Waa dhibaato weynee
Dhaayuhu miyey qaban?.
Dagaallada dhexdeenna
Dhibka waatan laga dheef
Dhurwayadu habeenkii
Hadba dhool na siibaan
Dhirta dhuxusha laga dhigay
Dhaqan guurka yaalloo
Dhallintii haleeloo
Kuulla dhuuqa kaba dhigay
Kolley waa dharbaaxee
Miyaad dhugan karaysaan?.
Dhulka wa dhulkeenne
Warabaha dhaqleeyiyo
Ha siinnina dhurwaayada
Dhoohaneey warkay maqal.
Dhexda mara ku dhuuqsada
Dhayal iyo ciyaar iyo
Yuu galin dhimaaloo
Gobollada dhammaantood
Cadaw iyo dhawr dulli.
Allahayow dhaarar qura
Dhulkoo noo nabdeeyoo
Dhibataada ha dhinac mari
Dheeftiisa noo badi
Aamiin
Ayaan Shiekh “Nuxur”
