Gabayga Garnaqsi
Gabayga Garnaqsi waxaa curiye Laashin Cabdi Nuur waddani waa Gabay uu kaga hadlayo, xaaladdaha cakiran ee dalka ka jira Gabayga ayuu Laashinku kula garnaqsanayaa Gudoomiyaha Gobolka Banaadir Mudane Yuusuf Madaale.
- Ga’da gabyga, geedoow ma tirin, Wadar gu’yaaloodeGeeraarya waataan ka tegay, Weliba guuroow’eGiddigeedba maansiyo Cabdoow. Gooyay shiribkiiye
Gaardiskeeda waataan dhigoon, Gaabshay oo xiraye
Caawana inaan goob imaad, Uma garaareyne
Waxbaa igu gundhinayee bal aan, Goynka ka higaadsho
Wixii aan gafoon geeska Maro, Oon dhex gali waayo
Taariikhda haygalinine, Iiga garab siiya.
Intaas gogol dhig weeyee haddaan, Gudaha faalleeyo
Nkastoo gu’geeyguna yaryahay, Garadna lay dhaammo
Inkastoonan guurtiyo ahayn, Gole nin soo joogay
Inkastoonan gamadiid ahayn Geesi iyo sheekhba
Inkastoonan weli gaari karin, Nimanka gaamuuray
Inkastoonan weli gaasa bixin, Oonan gole fuulin
Kama gaabsan karayoo murtida, Waan gelbinayaaye
Garka qabo (1)galayroow haddaan, gaanjadii furaye.
Afartaa sidii gumac rasaas, Meyska daba geeyay
Geedki ay lahayd iyo ma dhigay, Godadki loo jeexay
Ma gaarsiiyay geediga halkaan, Ula gucleynaayay.
Afar kalana waxaan goobayaan, Soo gudbinayaaye
Guddoon iga dheh gacallow adaan, Kaaga dhigay gaare-
Gabna toor haddii aad tihiyo,Oday garsooraaya
Gudoomiye haddii aad ka tahay, Gurigi soomaali
Gar waloo islaam baa la yiri, Galab la joogaaye
Bal waxaad geleysiyo waxaad, Nagu garsooreysid
Adaa garanayee Yuusufoow gaabis ka illaali.
Garabkaaga kuwa jooga ee, Xilalka loo gaarey
Golaheenna sare iyo cabdoow, Weliba gaashaanle
Gunnimeey falaan baa la yiri, Kama gaboobaane
Guurkeey badshaan baa la yiri, Gabar ma dhaafane
Guryeheey gataan baa la yiri, Goofaf iyo beere
Maalkeey gurtaan baa la yiri, Goor iyo ayaane
Ma geddaas ayaad fali runtaa, Lagu gurbaanshaaye
Mise waad ka gaar tahay ninyohow, Laysma gaasiro,e
Bal waxaad geleysiyo waxaad, Nagu garsooreysid
Adaa garanayee Yuusufoow, gaabis ka ilaali.
Masaakiinta gaajeysan ee weliba goohaaya
Gurya iyo kuwaan haysan geed, gama,da loo jiifto
Go’ kuwaan xirneeyn ee intaa dhedadu gaareyso
Gaarsiiya maad dhihi gar gaar gogol haloo raadsho
Mise waabad gees mari sidii horaba loo geestay
Gabood fale miyaad noqon ninyohow shacabka googooya
Bal waxaad geleysiyo waxaad, Nagu garsooreysid
Adaa garanayee Yuusufoow, Gaabis ka ilaali.
Lixaadkoodu kuwa uu gebee, Gobalna naafoobay
Isbitaal kuwaan gaari karin, Cidina geyneynin
Gini lacag kuwaan heysan een, Gada karayn daawo
Gaarsiiya maad dhihi gargaar, Garabna waad siini
Mise waabad gees mari sidii, Horeba loo geestay
Gaboodfale miyaad noqon ninyohow, Shacabka guulguula
Bal waxaad geleysiyo waxaad nagu garsooreysid
Adaa garanayee Yuusufoow, Gaabis kaa illaali.
Afartaas sidii gumac rasaas, Meyska daba geeyay
Geedki ay lahayd iyo ma dhigay, Godadki loo jeexay
Ma gaarsiiyay geediga halkaan, Ula gucleynaayay.
Afar kalana waxaan goobayaan, Soo gudbinayaaye
Guddoon iga dheh gacallow, adaan kaaga dhigay gaare.
Gu,yaal iyo gu,yaal badan dadki, Waa gablamayaaye
Qarax baa intaa lagu gubaa, Lagu gummaadaaye
Gumucba gigtaa lagu haya, Laguna gaaddaaye
Cidi kama gadoodee dhibkaa ,Waala gaar mariye
Geejiya miyaad dhihi amniga, Ciidamada gaaran
Mise waa bad gaar mari sidii, Horeba loo geestay
Gaboodfale miyaad noqon ninyohow. Shacabka guulguula
Bal waxaad geleysiyo waxaad, Nagu garsooreysid
Adaa garanayee (2)Yuusufoow, Gaabis ka illaali .
Caasimaddi loo guuxi jiray, Lana gacloonaayay
Caasimaddi loo guuri jiray, Lana gabaadsaayay
Gudeheera yaa taaga midii, Loo galgalanayay
Ganacsigu miduu yiilayee, Nabaddu gawriirtay
Garashadu middey tiilayee, Gacanta loo taagay
Gobannima middii laga dhalshee,Gelisay taariikhda
Geyigoo tii ugu mudnayd, Guri adduunyaale
Gebi aadanuhu tuu jeclaa, Galab inuu gaaro
Guryasamo midii gaafanayd, Cidina gaareynin
Gablan weeye maantoo ilmadu, Wayka gobo’leyne
Dhaawaci horuu gaarayeey,Weli goceysaaye
Haddi aad gerkeediyo cabdow, Heeyso ganafkeeda
Guudkeeda waxa saaranee, Doqontu gaarsiisay
Gefka iyo tolow maad ka dhaqi, Ceebta lagu gaaxshay
Mise waa bad gees mari sidi, Horeba loo geestay
Gabood fale miyaad noqon ninyohow, shacabka guulguula
Bal waxaad geleysiyo waxaad, Nagu garsooreysid
Adaa garanayee Yuusufoow, Gaabis ka illaali.
Waxba gabaygu yow ila gudbine, Waxaan ku soo gooyay
Gercaddaa horuu jiray sidaan, Oday kasoo gaaray
Gar eexeed naqdaa iyo wanaag, Garabka siisaaba
Saaladaha ka guurtiyo ninyohow, Diinta gunudaaba
Waxaad maanta uun geysataa, Lagu gudoon siine
Ka gaashaamo wixi guullehey, Naarta kugu geeyo”
Halqabsi:
- Galayr= Cabdiraxiin Hilowle Galayr
- Yuusuf = Yuusuf Xuseen Jimcaale(Ma daale) Gudoomiyaha Gobolka banaadir.
W/C: Cabdinuur Waddani
