JACAYLKII IGU KALIGA AHAA!!!
Qaybtii 4aad
Axmed talaabadii ugu horeesay uu qaado waxay noqotay talaabo aan kufarxin, waxay
kaloo aheyd talaabo aan isku ogeyn ani iyo asaga inuu qaado, waxay ahyd talaabadaas
inuu Idil usii maro xaga Zeynab,taas oo aan anigaba sameyn karay aniga oo aan Axmed
u baahneyn, maxaa yeelay, Idil waxaan la lahaa xariir wanaagsan kalsooni fiicana waan
ku qabay.
Idil shaqadii uu Axmed ka rabay way u qabatay oo way lahadashay Zeynab, Zeynabna
waxay muujisay in aysan waxba ka qabin inay jaanis isiiso hadaan muujinkaro waxa aan
sheeganayo inay dhab iga yihiin iyo inkale.
Dadku waa kuwo isku baddala sida waqtiga oo kale, Duruufaha noloshana dadka way
baddalaan, xaasid nimadana dadka way badashaa, khiyaanada iyo lugooyadana sidoo
kale way badalaan dadka, Axmed saaxiib ayuu ii ahaa aan ku kalsoona balse ma aqaan
waxa baddalay.
Axmed markii uu maqlay in Zeynab ii dabacsantahay ayuu guda galay sidii uu zeynab
iigu diri in lahaa,hadda bal xusuusnow in isaga aan u xilsaartay in uu iga caawiyo
helitaanka gabadhaas, sababta uu sidaas usameynayeyna ma sharrix ikaro, balse
waxaan ogaa in uusan ogolayn in Zeynab ay xageyga soo marto.
Zeynab iyo aniga isla hadalkeena wuu yaraaday, waxaa jirtay cabsi xageyga ah maadama
ay maqashay dareenka xageyga , waxay aheyd mid mar walba iga xishooneysay oo
indhaha isiin karin, sidaas aydoo arinta tahay ayaa hadana jeclaa inaan xariir la
sameeyo.
Waxa dhacday in aan si lama filaan ah ugu soo guuro Caasimada Nairobi si aan
waxbarashadeyda ogasii ambaqaado, Zeynab maadama fasal ahan ay iga hooseesay
iskoolkii ayey ku hartay oo meeshii ayaa iskugu kaaya dambesay, markaan Nairobi
imaaday wali kama raja dhigin in aan xariir la sameeyo anig oo badana kala xariiri jiray
Khadka.
Waxaan khadka kala xariiraba muddo laba Sano ah kadib waxay fasax ku timid Nairobi
oo inta aysan soo bixin iisheegtay inay imaan donto, Zaynab iyada oo iska qabto fakarka
ugu xun uu iga baahiyay Axmed ayey hadana ila wadaagin in ay dareen sidaas ah qabto,
balse aniga waan ka dareemayay in ay wax tabanayso si aan wax uga waydiiyo iyo halka
aan ka bilaabo ayaansa garan waayay.
Axmed iyo Zaynab aada ayey iskugu soo dhawaadeen tan iyo intii uu axmed bilaabay
baahinta been abuurka xagayga ah, ma garan Karin sababt uu axmed iila dagaashanaa,
saaxiibtinimadeena caadi ayey ahayd anigana ma doonayn in aan marna dareensiiyo in
aan ka warqabo falalkiisa gurracan, waxaan aaminsanaa haddii ay xag Alle iiga
qorantahay in uu shaqeeyo xiriika aan ka doonayo Zaynab in uu shaqaynayo wax hor
istaagi karana aysan, waxaa jirtay xushmad gaar ah oo aan u hayay saaxiibkayga, mana
doonayn in aan wax sidaas ah ku kala fogaano, isaguse sidaas uu iigu waynaa aniga
uguma weynayn.
Aniga waxaan isku diyaarinayay soo dhaweynta Zeynab aniga oo hadiyado aan ugu
talagalay usoo iibiyey si aan ugu soodhaweeyo, balse nasiib darro way iga diiday
qaadashada hadiyaddaas aan qarashka badan kasoo baxshay waqti badan uu iga galay
soo xuliddeeda.
In aan usoo gado Zaynab hadiyad laba ujeeddo ayaan ka lahaa in aan ku ogaado, mid
waxay ahayd in aan bal dareemo cudurka uu axmed xagayga uga beeray zayanb
baaxadda uu lahaa in aan ku ogaado, midda kalana waxay ahayd in aan u muujiyo
Zaynab in ay qaali igu tahay, aniga oo ka diyaarsanayay sambaaatii ama qaab aan kula
ka ulmo, si aan mar labaad daaha uga qaado dareenkayga jacayl ee xageeda ku aaddan.
Waan la xariiray oo waxaan isku dayey inaan ka dhaadhiciyo in aan is aragno, balse way
diiday is arageena ayadoo wax sabab ah aan ii sheegin, aniga waan ogaa oo waan
dareemi karay sababta ka dambaysa arrintaa, iyaduse kuma baraarugsanayn in aan ka
warqabo ama dareemi karay sababta ay sidaas u samaynaysay, qof walba oo inaga mid
ah kaarkiisa ayuu ciyaarayay.
Waan ka xumaaday rutii oo hammi badan iyo raja badan oo ka qabay shaqsiyadda
Zaynab ayaa xagayga kasii shiiqaysay, maxaa yeelay kama filayn Zaynab in ay sidaa u
garaad yartahay, oo iyada oo aan jaanis ii siin in aan si fiican isku barano ay sidaa iga
aaminto kuna go,aansato in ay iska key fogayso.
Waxaa dhacday inaan Axmed maalin waddada iskaga hor nimid, wuxuu ii sheegay in uu
u socdo iyada oo ay soo wacday si uu u geeyo Suuqa, balse wax saameyn ah iguma
yeelan hadalkaas oo Axmed wuxuu ii ahaa saaxiib qaali igu ah, saaxiibtinimadeena ayaa
igala weynayd arrimahan na dhex yaala.
Waxba kama qabi lahayn haddii uu axmed Zaynab la wadaagi lahaa Arrimo jacayl oo
waxay noqon lahayd arrin aan fahmi karo, damaca iyo dareenka dadka wuu kala dilaa
wuuna isku diraa, balse mar damac a iyo dareen haddii uusan kala dhaxayn gabadha
aniga aan saaxiibkii ahaa oo u sheegtay damacayga gabadhaas, waxaa fajac igu noqotay
sababta ku riixday in uu u shaqeeyo si ka duwan sidii aan isku ogayn.
La soco qaybta 5aad
W/Q: Ahmed Ali Hyder
Ciiseduq12@gmail.com
